امریکی جنرل دے بیان تے ترک صدر دا سخت ردعمل

انقرہ۔(پاکستان پوائنٹ نیوز۔30 جولائی۔2016) ترک صدر رجب طیب اردوآن ہک اعلیٰ امریکی جنرل تے الزام لاتے جو او بغاوت دی سازش کرنڑ آلیاں دی طرف داری کر یندا پئے ۔ جرمن ذرائع ابلاغ دے مطابق گزریل ڈینھ امریکی میڈیا یو ایس سینٹرل کمانڈ چیف جنرل جوزف ووٹیل بارے آکھیا ہئی جو ترکی اچ بغاوت دی ناکام کوشش اتے فوج اچ وڈے پیمانے تے تبدیلی نال امریکا اتے ترکی دے عسکری تعلقات متاثر تھی سگدے ہن ۔ ایں بیان تے صدر اردوآن بہوں سخت ردعمل ظاہر کریندے ہوئیں آکھے جو جنرل جوزف اے بیان ڈے تے سازشی عناصر دی طرفداری کیتی ہے ۔ جڈانجو امریکا کوں ترکی اچ بغاوت کوں ناکام بنڑاڈیونڑ تے ترکی دا شکریہ ادا کرنڑاں چاہیدا ہئی۔