ٹورنٹو (پاکستان نیوزپوائنٹ 25اپریل 2018ء) جرمنی دے وزیر خارجہ ہائیکو ماس کینیڈا اچ گروپ سیون دے وزرائے خارجہ دے اجلاس دے موقع تے میڈیا نال گالھ بات کریندے ہوئیں آکھیا جو دنیا دے ست وڈے صنعتی ملکاں دی تنظیم گروپ سیون ہک چنگا حل لبھنڑ چاہندی ہے جیندی مدد نال جوہری معاہدے کو ںبچایا ونج جا سگے۔ جرمنی دے وزیر خارجہ دا آکھنڑ ہا جو گروپ سیون دے ملکاں ایران جوہری معاہدے کوں بچاونڑ سانگے ہک سانجھا حل گولدے پن۔
ہائیکو ماس آکھیا جو ایران جوہری معاہدے دے بغیر مشرق وسطی د ی صورتحال بئی خراب تھیسی، لہذا گروپ سیون دے رکن ملک ایں معاہدے کوں بچاونڑ دے خواہشمند ہن۔جرمنی دے وزیر خارجہ دا آکھنڑ ہا جو اساںجوہری معاہدے دے تحفظ کوں اہم سمجھدوں، اگر ایں معاہدے کوں ختم کیتا گیا یا ایندے وچوں امریکہ نکل گیا تاں ممکن ہے جو صورتحال خراب تھی ونجے۔
