قومی کبڈی چیمپئن شپ 28 فروری توں لاہور اچ تھیسی

اسلام آباد (پاکستان نیوزپوائنٹ 20فروری2018ء) پاکستان کبڈی فیڈریشن ولوںقومی کبڈی چیمپئن شپ 28 فروری توں لاہور اچ تھیسی۔پاکستان کبڈی فیڈریشن دے سیکرٹری جنرل رانا محمد سرور ڈسائے جو چیمپیئن شپ دیاں تیاریاں زور شور نال جاری ہین جیندے اچ بارھاں ٹیماں کھیڈسن۔انہاں اچ پاکستان آرمی، پاکستان ایئر فورس، پاکستان واپڈا، پاکستان ریلوے، پاکستان پولیس، ہائر ایجوکیشن کمیشن، سوئی سدرن گیس پائپ لمٹیڈ، پنجاب، سندھ، بلوچستان، خبیر پختونخوا اتے اسلام آباد شامل ہیں۔ ایران دی ٹیم وی خصوصی شرکت کریسی۔ ٹورنامنٹ 4 مارچ تئیں جاری راہسی۔