اسلام آباد (پاکستان نیوزپوائنٹ 16فروری2018ء) پاکستان سوکر فٹ سال فیڈریشن ولوں انٹرنیشنل سوکر فٹ سال کپ پاکستان سپورٹس کمپلیکس دے لیاقت جمنازیم اچ شروع تھی گئے۔ترائے ڈینہواری تقریب دا افتتاح وفاقی وزیر بین الصوبائی رابطہ میاں ریاض حسین پیرزادہ کیتے۔ ایونٹ اچ پاکستان فٹبال فیڈریشن ملک مہربان علی، صدر طارق محمود، نائب صدر شاہد فاروق ملک، سیکر ٹری عدنان ملک، ڈپٹی میئر اسلام سیّد ذیشان علی نقوی، پاکستان سپورٹس بورڈدے ڈائریکٹر جنرل نواز گنجیرا، ڈپٹی ڈائریکٹر جنرل منصور احمد سودھے سری لنکا، ترکی، ایران اتے نیپال دے سفیراں شرکت کیتی۔
وفاقی وزیر بین الصوبائی رابطہ میاں ریاض حسین پیرزادہ حکومت اتے افواج پاکستان ولوں دہشت گردی کوں مکاونڑ کیتے کوششاں دی تعریف کیتی اتے غیر ملکی کھیڈاریاں کوں خوش آمدید آکھیے۔ انہاں آکھیے جو پاکستانی کھیڈاں نال پیار کرنر آلے لوک ہین، پاکستان سپورٹس بورڈکھیڈا ں دی ترقی کیتے ہتھ ونڈیندا راہسی۔ایوانٹ اچ پاکستان، برازیل، نیپال اتے ترکی دیاں ٹیماں حصہ گھندیاں پن۔
