جنوبی تے شمالی کوریا پہلی واری سانجھی اولپمک ٹیم بنڑاونڑ تے راضی

سیﺅل(پاکستان نیوزپوائنٹ18جنوری2018ء) جنوبی اتے شمالی کوریائی حکومتاں سرمائی اولمپک مقابلے دی افتتاحی تقریب ہک جھنڈے تلے کراونڑ تے کھلاڑیاں دی ہک سانجھی ٹیم بنڑاونڑ تے متفق تھی گن ۔جنوبی کوریا دے سرکاری ذرائع ابلاغ دے مطابق جنوبی اتے شمالی کوریادے حکام سرمائی اولمپک مقابلے دی افتتاحی تقریب کوں موقع تے کرنڑ تے کھلاڑیاں دی ہک سانجھی ٹیم بنڑاونڑ تے متفق تھی گن ایندے علاوہ ڈوہیں ملکاں وچال ایں گال تے اتفاق تھی گے جو افتتاحی تقریب دے دوران جوائنٹ مارچ وی کریسن ۔ڈوہیں کوریا ملکاں اچ اتحاد کیتے جنوبی کوریا دی وزارت دے مطابق ڈوہیں کوریا ئی ریاستاں وچال اے معاہدہ گزریل ڈینھ مذاکرات دے بعد عمل اچ آیا ۔