امریکا دی ریو اولمپکس وچ مجموعی تمغیاں دی سنچری پوری، پوائنٹس ٹیبل تے پہلے نمبر تے قائم

انگلینڈ اتے چین بالترتیب ڈوجھے اتے تریجھے نمبر تے برقرار

امریکا دی ریو اولمپکس وچ مجموعی تمغیاں دی سنچری پوری، پوائنٹس ٹیبل تے پہلے نمبر تے قائم 
انگلینڈ اتے چین بالترتیب ڈوجھے اتے تریجھے نمبر تے برقرار

ریو ڈی جنیرو(پاکستان نیوز پوائنٹ 19اگست 2016ء) ریو اولمپکس وچ امریکا مجموعی تمغیاں دی سنچری پوری کرگھدی، امریکا 35 گولڈ، 33 سلور اتے 32 برانز میڈلاں دے نال پہلے نمبر تے ہے۔ تفصیلات دے مطابق برازیل وچ سمر اولمپکس دے سنسنی خیز مقابلیاں دا سلسلہ جاری ہے، ہنڑ تئیں تھیونڑآلے مقابلیاں وچ امریکا 35 سونے، 33 چاندی اتے 32 کانسی دے تمغے جیتے ہن اتے ایں طرح اوہ مجموعی طور تے 100 میڈلاں دے نال پہلے نمبر تے ہے۔

برطانیہ 22 گولڈ، 21 سلور اتے 13 برانز اتے مجموعی طور تے 56 میڈلاں دے نال ڈوجھے نمبر تے ہے اتے چین 20 گولڈ، 16 سلور اتے 22 برانز میڈلاں دے نال تریجھے نمبر تے ہے۔ جرمنی ہک درجے دی ترقی پاتے چوتھے نمبر تے پج گئے اتے اوہ 13 طلائی، 8 چاندی، 11 کانسی دے تمغیاں دے نال پنجویںتوںچوتھے نمبر تے پج گئے جڈانجو روس ہک درجے دی تنزلی دے بعد چوتھے توں پنچویں نمبر تے آ گئے، اتے روس12 سونے، 15 چاندی اتے 17 کانسی اتے مجموعی 44 تمغیاں دے نال پنجویںنمبر تے آ گئے، جاپان 12، طلائی ، 6 چاندی اتے 18 کانسی دے تمغیاں دے نال چھیویں نمبر تے ہے، فرانس 8 سونے، 12 چاندی اتے 14 کانسی دے تمغیاں دے نال ستویں نمبر تے قائم ہے، اٹلی 8 طلائی، 10 چاندی اتے 6 کانسی دے تمغیاںدے نال آٹھویں نمبر تے قائم ہے، ہالینڈ 8 سونے، 4 چاندی اتے 4 کانسی دے تمغیاں دے نال ناویں نمبر تے ہے، آسٹریلیا 7 سونے، 10 چاندی اتے 10 کانسی دے تمغیاں دے نال 10 ویں نمبر تے ہے ۔