سمونا ہالپ راجرز کپ ٹینس ٹورنامنٹ دا ویمنز سنگلز ٹائٹل جت گھدا

سمونا ہالپ راجرز کپ ٹینس ٹورنامنٹ دا ویمنز سنگلز ٹائٹل جت گھدا

مونٹریال (پاکستان پوائنٹ نیوز۔ یکم اگست۔2016ء) رومانیہ دی سمونا ہالپ راجرز کپ ویمنز سنگلز داٹائٹل جت گھدا۔ انہاں فائنل اچ امریکا دی میڈیسن کیز کوں ہرا تے ٹائٹل اپنڑے ناں کر گھدا ۔ تفصیل دے مطابق مونٹریال اچ جاری ویمنز سنگلز مقابلیںدے فائنل اچ سمونادا مقابلہ میڈیسن کیز دے نال ہا جیں اچ رومانین کھلاڑی عمدہ کھیڈ پیش کریندے ہوئیں امریکہ دی میڈیسن کیزکوں 7-6(7-2) تے 6-3 توں ہر تے ایونٹ جت گھدا۔ ایں توں پہلے سیمی فائنل اچ رومانیہ دی سمونا ہالپ سیکنڈ سیڈڈ جرمنی دی اینجلیق کربر کوں دلچسپ مقابلے دے بعد ہراتے فائنل سانگے کوالیفائی کیتا۔ ڈوجھے سیمی فائنل اچ امریکا دی میڈیسن کیز سلواکیہ دی کرسٹینا کوں سوکھے طریقے نال 6-2تے 6-1 توں ہرا تے فائنل اچ جاہ بنڑا گھدی ۔