ریو اولمپکس فٹ بال ٹورنامنٹ داپہلا سیمی فائنل برازیل اتے ہونڈراس وچال (اج) کھیڈیا ویسی

ریو ڈی جنیرو (پا کستان نیوزپوائنٹ 16اگست 2016ء) ریو اولمپکس گیمز فٹ بال ایونٹ دا پہلا سیمی فائنل برازیل اتے ہونڈراس وچال (اج) بدھ کوں کھیڈیاویسی۔ تفصیلات دے مطابق میگا ایونٹ سانگے میزبان برازیل، جرمنی، نائیجیریا اتے ہونڈراس فائنل فور وچ جاہ بنڑا گھدی ہے ۔ ایونٹ دے پہلے کوارٹر فائنل وچ برازیل نے کولمبیا، ہونڈراس نے جنوبی کوریا، نائیجیریا نے ڈنمارک اتے جرمنی نے پرتگال کوں ہرا تے سیمی فائنل سانگے کوالیفائی کیتا۔ ٹورنامنٹ دا پہلا سیمی فائنل برازیل اتے ہونڈراس جڈانجو ڈوجھا سیمی فائنل 18 اگست کوں نائیجیریا اتے جرمنی وچال کھیڈیا ویسی۔