برمنگھم (پاکستان پوائنٹ نیوز۔27 جولائی۔2016) انگلینڈ اتے پاکستان دیاںکرکٹ ٹیماں وچال چار ٹیسٹ میچاں تے مشتمل سیریز دا تریجھا میچ 3اگست توں برمنگھم وچ شروع تھیسی۔ ڈوہائیںٹیماں وچال جاری سیریز 1-1 نال برابر ہے۔ پاکستان ٹیم میزبان ٹیم کوں پہلے ٹیسٹ میچ وچ 75 رنز نال شکست ڈتی جڈانجو انگلینڈ ٹیم ڈوجھے ٹیسٹ وچ کم بیک کریندے ہوئیں پاکستان کوں 330 اسکوراں توںشکست ڈے تے سیریز 1-1 نال برابر کر ڈتی ہے۔
ڈوہائیں ٹیماں وچال سیریز دا چوتھا اتے چھیکڑی کرکٹ ٹیسٹ میچ 11 اگست کوں اوول وچ کھیڈیا ویسی۔ ٹیسٹ میچاں دی سیریز دے بعد ڈوہائیں ٹیماں وچال پنج ون ڈے میچاں دی سیریز داپہلا میچ 24 اگست کو ںسائوتھمپٹن وچ کھیڈیاویسی، ڈوجھا ون ڈے میچ 27 اگست کوں لارڈز وچ کھیڈیا ویسی، تریجھا ون ڈے میچ 30 اگست کوں نوٹنگھم وچ کھیڈیا ویسی، چوتھا ون ڈے میچ 01ستمبر کوں ہیڈ نگلے وچ اتے پنجواں تے چھیکڑی ون ڈے میچ 4 ستمبر کوں کارڈف وچ کھیڈیا ویسی۔ سیریز دا ہکو ٹی ٹونٹی میچ7 ستمبر کوں مانچسٹر وچ کھیڈیا ویسی۔ قومی کرکٹ ٹیم دورے دے دوران آئرلینڈ دے خلاف وی ڈوون ڈے میچ کھیڈسی، پہلا ون ڈے میچ 18 اگست کوں کھیڈیاویسی۔ آئرلینڈ دے خلاف ڈبلن وچ ای ڈوجھا ون ڈے میچ 20 اگست کوں کھیڈیا ویسی۔
