اسلام آباد (پاکستان نیوز پوائنٹ 11نومبر2016ء) پاکستان کرکٹ بورڈ (پی سی بی )دے زیراہتمام جاری قائد اعظم کرکٹ ٹرافی داستواں مرحلہ (اج) ہفتے کوں شروع تھیسی۔ ایں سلسلے وچ گروپ اے دے میچاں وچ اسلام آباد ڈائمنڈ گراﺅنڈ تے لاہور ریجن بلیو دا مقابلہ اسلام آباد نال تھیسی ، ارباب نیاز سٹیڈیم پشاور وچ کراچی بلیو اتے پشاور دیاں ٹیماں وچال میچ کھیڈیا ویسی۔
جناح سٹیڈیم سیالکوٹ وچ یونائٹیڈ بنک دا سوئی سدرن گیس کمپنی نال میچ تھیسی، ملتان سٹیڈیم وچ پاکستان واپڈا دا حبیب بینک نال کھیڈسی ، گروپ بی دے میچاں وچ لاہور قذافی سٹیڈیم وچ کراچی وائٹس دا مقابلہ لاہور وائٹس نال تھیسی، راولپنڈی کرکٹ سٹیڈیم وچ راولپنڈی اتے فاٹا دیاں ٹیماں وچال میچ کھیڈیا ویسی، فیصل آباد وچ اقبال سٹیڈیم وچ پی آئی اے اتے سوئی نادرن گیس دیاں ٹیماں وچال میچ تھیسی۔ راولپنڈی وچ کے آر ایل سٹیڈیم وچ کے آر ایل اتے نیشنل بینک دیاں ٹیماں وچال میچ تھیسی۔
