آسٹریلیا اتے جنوبی افریقہ وچال پہلا کرکٹ ٹیسٹ میچ (اج) خمیس توں شروع تھیسی

پرتھ (پاکستان نیوز پوائنٹ 2 نومبر2016ء) آسٹریلیا اتے جنوبی افریقہ دیاں کرکٹ ٹیماں وچال ترائے ٹیسٹ میچاں دی سیریز دا پہلا میچ (اج) خمیس توں ویسٹرن آسٹریلیا کرکٹ ایسوسی ایشن گراﺅنڈ، پرتھ وچ شروع تھیسی۔ ایں توں پہلے جنوبی افریقن کرکٹ ٹیم اتے کرکٹ آسٹریلیا الیون وچال کھیڈیا گیا ڈو ڈینھ دا ٹور میچ ہار جیت دے فیصلے دے بغیر مک گیا ہا ۔ جنوبی افریقہ اتے آسٹریلیا وچال ترائے ٹیسٹ میچاں دی سیریز دا پہلا میچ 3 نومبر توں شروع تھیسی، ڈوہائیں ٹیماں وچال ڈوجھا ٹیسٹ 12 توں 16 نومبر جڈانجو تریجھا اتے چھیکڑی ٹیسٹ 24 توں 28 نومبر تئیں کھیڈیا ویسی ۔