انگلینڈ ون ڈے رینکنگ اچ سالانہ اپ ڈیٹس دے بعد بھارت توں ٹاپ پوزیشن کھس گھدی، پاکستانی ٹیم چھیویں نمبر تے برقرار، گرین شرٹس اتے آسٹریلیا وچال صرف 2 پوائنٹاں دا فرق باقی

انگلینڈ ون ڈے رینکنگ اچ سالانہ اپ ڈیٹس دے بعد بھارت توں ٹاپ پوزیشن کھس گھدی، پاکستانی ٹیم چھیویں نمبر تے برقرار، گرین شرٹس اتے آسٹریلیا وچال صرف 2 پوائنٹاں دا فرق باقی

دبئی (پاکستان نیوزپوائنٹ 03 مئی 2018ء) انگلش ٹیم انٹرنیشنل کرکٹ کونسل (آئی سی سی) دی ون ڈے رینکنگ اچ سالانہ اپ ڈیٹس دے بعد پہلے نمبر تے آ گی ہے۔ انگلینڈ بھارت کوں پہلی پوزیشن توںمحروم کریندے ہوئیں 5 سال بعد ون ڈے رینکنگ اچ ٹاپ پوزیشن گھنڑ دا اعزاز گھن گھدے ۔ انگلینڈ چھیکڑی واری جنوری 2013ءاچ ون ڈے دی عالمی درجہ بندی اچ ٹاپ پوزیشن گھدی ہائی۔

بھارت اتے جنوبی افریقہ دیاں ٹیماںتنزلی دے بعد ڈوجھے اتے تریجھے نمبر تے آ گئیاں ہن۔ پاکستانی ٹیم بدستور چھیویں نمبر تے براجمان ہے تاں جو پاکستانی ٹیم دے ریٹنگ پوائنٹس اچ6 پوائنٹاں دا ودھارا تھئے اتے ہنڑ گرین شرٹس آسٹریلیا توں صرف ڈو پوائنٹس دی دوری تے ہے۔ خمیس کوںآئی سی سی ولوں ون ڈے رینکنگ اچ سالانہ اپ ڈیٹس کیتیاں گئیاں جیندے تحت انگلینڈ دے8 پوائنٹس اچ ودھارا تھیا اتے اوہ 125 ریٹنگ پوائنٹس دے نال ٹاپ نمبر تے آ گی گئی ہے، انگلینڈ بھارت توں ٹاپ پوزیشن کھس گھدی ہے، بھارتی ٹیم ہک پوائنٹ دی گھٹکی دے بعد ڈوجھے نمبر تے، جنوبی افریقہ 4 پوائنٹس گھٹ تھیونڑ دے بعدڈوجھے توں تریجھے نمبر تے آ گی، نیوزی لینڈ چوتھے نمبر تے موجود ہے تاں جو ایندے وی ڈو پوائنٹس گھٹ تھئے، عالمی چیمپئن آسٹریلوی ٹیم 8 پوائنٹس گھٹ تھئے اتے اوہ 104 پوائنٹس دے نال پنجویں نمبر تے موجود ہے، پاکستانی ٹیم دی چھیویں پوزیشن برقرار ہے جڈانجو ایندے 8 پوائنٹس اچ ودھارا تھئے جیندے بعد پاکستان اتے آسٹریلیا دے پوائنٹس اچ صرف ڈو پوائنٹس دا فرق رہ گئے۔

بنگلہ دیش کوں وی ترائے پوائنٹس ملے ہن اتے اوہ ستویں نمبر تے برقرار ہے، سری لنکا دا اٹھواں نمبر ہے لیکن ایندے پوائنٹس اچ 7 پوائنٹس دی گھٹکی تھئی ہے، ویسٹ انڈیز ناویں، افغانستان 10ویں، زمبابوے یارہویں اتے آئرلینڈ بارہویں نمبر تے ہے۔