ٹی ٹونٹی کرکٹ سےریز،پاکستان اتے ویسٹ انڈیزوچال پہلا میچ (اج)کھیڈیا ویسی

ٹی ٹونٹی کرکٹ سےریز،پاکستان اتے ویسٹ انڈیزوچال پہلا میچ (اج)کھیڈیا ویسی

دبئی (پاکستان نیوز پوائنٹ 23ستمبر 2016ء) پاکستان اتے ویسٹ انڈیز دیاں کرکٹ ٹیماں وچال ترائے ٹی ٹونٹی میچاں تے مشتمل سیریز دا پہلا میچ (اج) انٹرنیشل کرکٹ سٹیڈیم دبئی وچ کھیڈیا ویسی۔ میچ پاکستان دے معیاری وقت دے مطابق رات نو وجے شروع تھیسی۔ ڈوہائیں ٹیماں وچال سیریز دا ڈوجھا میچ 24 ستمبر کو ںانٹرنیشل کرکٹ سٹیڈیم دبئی وچ کھیڈیا ویسی۔ ایہ میچ وی پاکستان دے معیاری وقت دے مطابق رات نو وجے شروع تھیسی جڈانجو سیریز دا تریجھا اتے چھیکڑی میچ 27 ستمبر کوں شیخ زید سٹیڈیم ابوظہبی وچ کھیڈیا ویسی ایہ میچ وی پاکستان دے معیاری وقت دے مطابق رات نو وجے شروع تھیسی۔

ڈوہائیں ٹیماں وچال ٹی ٹونٹی سیریز دے بعد ترائے ون ڈے میچاں دی سیریز دا پہلا میچ 30 ستمبر کوں شارجہ، ڈوجھا میچ 2 اکتوبر کوں شارجہ جڈانجوتریجھا اتے چھیکڑی میچ 5 اکتوبر کوں ابوظہبی وچ کھیڈیا ویسی۔ ون ڈے سیریز دے علاوہ ڈوہائیں ٹیماں وچال ترائے ٹیسٹ میچ وی کھیڈے ویسن ایں سلسلے وچ پہلا ٹیسٹ 13 توں 17 اکتوبر تئیں دبئی، ڈوجھا ٹیسٹ 21 توں 25 اکتوبر تئیں ابوظہبی جڈانجوتریجھا اتے چھیکڑی ٹیسٹ میچ 30 اکتوبر توں 3 نومبر تئیں شارجہ وچ کھیڈیا ویسی۔