آئی سی سی ٹی ٹوئنٹی رینکنگ؛پاکستان دا پہلا نمبر، افغانستان سری لنکا توں اٹھویں پوزیشن کھس گھدی

آئی سی سی ٹی ٹوئنٹی رینکنگ؛پاکستان دا پہلا نمبر، افغانستان سری لنکا توں اٹھویں پوزیشن کھس گھدی

دبئی (پاکستان نیوزپوائنٹ 02 مئی 2018ء) پاکستانی ٹیم انٹرنیشنل کرکٹ کونسل (آئی سی سی) دی ٹی ٹونٹی رینکنگ اچ سالانہ اپ ڈیٹس توں بعد وی اگیں آلی کار پہلے نمبر تے موجود اے۔آئی سی سی ٹی ٹونٹی انٹرنیشنل رینکنگ اچ پہلیاں ست پوزیشناں اچ کوئی تبدیلی نئیں تھئی۔پاکستانی ٹیم 130 ریٹنگ پوائنٹس نال پہلے نمبر تے اے۔ آسٹریلیا 126 ریٹنگ پوائنٹس نال ڈوجھے، بھارت 123 ریٹنگ پوائنٹس نال تریجھے، نیوزی لینڈ 116 ریٹنگ پوائنٹس نال چوتھے، انگلینڈ 115 ریٹنگ پوائنٹس نال پنجویں، جنوبی افریقہ 114 ریٹنگ پوائنٹس نال چھیویں ، ویسٹ انڈیز ستویں نمبرتے اے جڈان جو افغانی ٹیم ہک درجے ترقی کر تے سری لنکا دی جاہ تے اٹھویں پوزیشن سنبھال گھدی اے۔

آئی لینڈرز تنزلی توں ناویں نمبر تے جڈاں جو بنگلہ دیش ڈاہویں نمبر تے ہین۔