کولکتہ (پاکستان نیوزپوائنٹ 27اپریل 2018ء) انٹرنیشنل کرکٹ کونسل (آئی سی سی) سارے رکن ملکاں دے ٹی ٹونٹی میچاں کوں انٹرنیشنل اسٹیٹس ڈے ڈتے ، آئی سی سی بورڈ اجلاس اچ ایں گالھ دا اعلان کیتاگئے ۔ کولکتہ اچ آئی سی سی بورڈ اجلاس دے دوران ورلڈ گورننگ باڈی ولوں بہوں اہم اگوہیں سامنڑیں آئی ہے ، جیندے تحت آئی سی سی سی آپ دے سارے رکن ملکاں کوں ٹی ٹوئنٹی اسٹیٹس ڈے ڈتے ۔
ہنڑ سارے رکن ملکاں دیاں ٹیماں انٹرنیشنل ٹی ٹونٹی میچ کھیڈنڑ دیاں اہل ہوسن۔ ایندے علاوہ ایں فارمیٹ دی گلوبل رینکنگ متعارف کراونڑ دی وی منصوبہ بندی کیتی ویندی پئی ہے ۔ آئی سی سی ولوں جاری کیتے گئے بیان دے مطابق عالمی سطح اُتے کرکٹ کوں فروغ ڈیونڑ سانگے ایں بارے فیصلہ کیتا گئے تانجو ساریاں ٹیماں پائیدار اتے موثر انداز نال کرکٹ کھیڈ سگن ۔
