زمبابوے جولائی اچ پاکستان اتے آسٹریلیا دے خلاف ترائے ملکی ٹی ٹونٹی انٹرنیشنل کرکٹ سیریز دی میزبانی کریسی

زمبابوے جولائی اچ پاکستان اتے آسٹریلیا دے خلاف ترائے ملکی ٹی ٹونٹی انٹرنیشنل کرکٹ سیریز دی میزبانی کریسی

ہرارے (پاکستان نیوزپوائنٹ 26اپریل 2018ء) زمبابوے جاری سال جولائی اچ پاکستان اتے آسٹریلیا دے خلاف ترائے ملکی ٹی ٹونٹی انٹرنیشنل کرکٹ سیریز دی میزبانی کریسی۔ایں سیریز دے علاوہ زمبابوے اتے پاکستان وچال پنج ون ڈے بین الاقوامی میچاں دے سیریز وی شیڈول اچ شامل ہے۔ فیوچر ٹور پروگراماں دے تحت آسٹریلیا زمبابوے دے دورہ دوران ہک ٹیسٹ میچ اتے پاکستان ڈو ٹیسٹ کھیڈنڑے ہن،تاں جو زمبابوے کرکٹ مالی بحران دے پیش نظر ہوم ٹیسٹ میچاں دی میزبانی توں معذرت کر گھدی ہے۔

زمبابوے کرکٹ دے مینجنگ ڈائریکٹر فیصل حسنین پریس کانفرنس کریندے ہوئیں ڈسایا جو ٹیم دے آندے سال دے شیڈول مطابق آئی سی سی ون ڈے ورلڈ کپ تئیں رسائی سانگے ناکامی تے ودھ ساری مایوسی تھئی۔انہاں ڈسایا جو اساکوں ایں ویلھے ڈھگ سارے مالی بحران دا سامنڑاںہے ،ایں سانگے پاکستان اتے آسٹریلیا خلاف ٹیسٹ سیریز دی میزبانی نی کر سگدے۔انہاں ڈسایا تاں جو ٹیماں وچال ترائے ملکی ٹی ٹونٹی سیریز جولائی اچ کھیڈی ویسی ۔انہاں ڈسایا جو ایں ویلھے پاکستان دے خلاف شیڈول ون ڈے سیریز وی مشکل نظر دی پی ہے، مالی مسائل حل نہ تھئے تاں زمبابوے ٹیم دی پاکستان دے خلاف ون ڈے سیریز موخر کرنڑ پوسی ۔