کراچی (پاکستان نیوزپوائنٹ 24مارچ2018ء) اسلام آباد یونائیٹڈ اتے پشاور زلمی دیاں ٹیماں وچال پاکستان سپر لیگ (پی ایس ایل) تھری دا فائنل (اج)اتوار کوں نیشنل کرکٹ سٹیڈیم، کراچی اچ کھیڈیا ویسی ۔ تفصیل دے مطابق اسلام آباد یونائیٹڈ دی ٹیم دے بعد پشاور زلمی ایلی منیٹر ٹو دے میچ اچ کراچی کنگز کوں ہرا تے پی ایس ایل دے فائنل سانگے کوالیفائی کرگھدا ہا۔
فائنل اچ پشاور زلمی دامقابلہ اسلام آباد یونائیٹڈ نال تھیسی۔ پشاور زلمی ٹیم دی قیادت ڈیرن سمی کریسن جڈانجواسلام آباد یونائیٹڈدے کپتان مصباح الحق ہن۔ پاکستان سپر لیگ دے فائنل سانگے تیاریاں عروج تے ہن، میچ سانگے سکیورٹی دے فول پروف انتظامات کیتے گن ۔کراچی اچ جاءجاءتے وڈیاں سکریناں لاتیاں گن۔ پاکستان سپر لیگ دافائنل میچ پاکستان دے معیاری وقت دے مطابق رات ست وجے شروع تھیسی۔ توقع کیتی ویندی پی ہے جو ڈوہائیں ٹیماں وچال پی ایس ایل دے فائنل میچ اچ کانٹے دارمقابلہ تھیسی۔
