پاکستان کھیڈاں سانگے محفوظ ملک ہے،اپنڑی فیملی دے کٹھے آیا ہاں ،سر ویوون رچرڈ پاکستان میڈے کیتے اجنبی کائنی، اتھاں آ تے ہمیشہ خوشی تھیندی ہے، ڈیرن سیمی غیرملکی کھلاڑیاںدالاہور پجنڑ تے شاندار استقبال

پاکستان کھیڈاں سانگے محفوظ ملک ہے،اپنڑی فیملی دے کٹھے آیا ہاں ،سر ویوون رچرڈ پاکستان میڈے کیتے اجنبی کائنی، اتھاں آ تے ہمیشہ خوشی تھیندی ہے، ڈیرن سیمی غیرملکی کھلاڑیاںدالاہور پجنڑ تے شاندار استقبال

لاہور(پاکستان نیوزپوائنٹ 20مارچ2018ء) پاکستان سپر لیگ تھری دے قذافی سٹیڈیم لاہور اچ تھیونڑ آلے2 پلے آف میچاں اچ شرکت سانگے کوئٹہ گلیڈی ایٹرز، پشاور زلمی اتے کراچی کنگز دے غیر ملکی کھلاڑی اتے ٹیم مینجمنٹ دے ارکاناں دا لاہور پجنڑ تے شاندار استقبال کیتا گئے۔لاہور پجنڑ آلیاں اچ پشاور زلمی دے،تمیم اقبال، ڈیرن سیمی،فلیچر ،ویسلز، لیام ڈاو سن، کرس جارڈن، کوئٹہ گلیڈی ایٹرز دے رائلی روسو، کراچی کنگز دے روی بوپارا، کرس گرین اتے کولن انگرم شامل ہن۔

کوئٹہ گلیڈی ایٹرز دے محمود اللہ سری لنکا توں پاکستان آوسن جڈانجو اسلام آباد یونائیٹڈ دے غیر ملکی کھلاڑی 24 مارچ کوں دبئی توں سدھے کراچی پجسن اتے نیشنل اسٹیڈیم اچ ایونٹ دا فائنل کھیڈسن۔ایں توں پہلے غیرملکی کمنٹیٹر ز وی لاہور پج گئے ہن ۔جنہاں اچ ایلن ولکنز، ڈیرن گنگا اتے مائیکل سلیٹر شامل ہن ، ایلی منیٹرز میچاں دے دوران رمیز راجا اتے بازید خان دے کٹھے کمنٹری کریسن ۔

پشاور زلمی اتے کوئٹہ گلیڈی ایٹرز وچال میچ جیتنڑ آلی ٹیم اج بدھ کوںکراچی کنگز نال میچ کھیڈسی ۔ غیرملکی کھلاڑیاں دے حوالے نال کوئٹہ گلیڈی ایٹرز کوں وبھ توں ودھ نقصان تھیسی کیونجو ایندے اکثرغیرملکی کھلاڑی پاکستان نی آندے پئے۔تاں جو ٹیم مینجمنٹ متبادل انتظام کرگھدے۔لاہور پجنڑ آلے غیرملکی کھلاڑی خوشگوار موڈ اچ نظردے پن ۔انہاں کھلاڑیاںکوںفول پروف سیکورٹی اچ انہاں دے ہوٹل اچ پجایا گئے ۔

کوئٹہ گلیڈی ایٹرز دے مینٹور سابق عالمی بلے باز سر ویون رچرڈ اتے پشاور زلمی دے کپتان ڈیر ن سیمی تاں ایئرپورٹ تے شائقین سانگے اپنڑے بیان وی ریکارڈ کرائے ۔ڈوہائیں دا آکھنڑ ہاجو انہاں کوںدوبارہ پاکستان آونڑ تے بہوں خوشی تھئی ہے، پاکستانی شائقین دا وی حق ہے جوا وہ انٹرنیشنل کرکٹراں کوں اپنڑے ہوم گراﺅنڈ زاچ کھیڈا ڈیکھ سگن اتے انہاں دے ملک اچ انٹرنیشنل کرکٹ بحال تھیوے ۔

ویوون رچرڈ داآکھنڑ ہا جو پاکستان کھیڈا سانگے محفوظ ملک ہے اتے اینداثبوت ایہ ہے جو میں اپنڑی فیملی دے کٹھے پاکستان آیا ہاں ۔انہاں آکھیا جو میکوں امید ہے جو اساڈی ٹیم گزریل سال دے مقابلے اچ چنگی پرفارمنس ڈیسی ۔ڈیرن سیمی آکھیا جو پاکستان آ تے میکوں بہوں خوشی تھیندی ہے ، پاکستانیاں دی میزبانی تے محبت میکوں متاثر کیتے ۔دنیا دے دیگر غیر ملکی کرکٹرز کوں وی پاکستان آتے اتھوں دے لوکاں دی میزبانی دا لطف چاونڑ چاہیدے۔انہاں آکھیا جوا وہ کئی واری پاکستان آئے ہن ،پاکستان انہاں سانگے اجنبی کائنی ہے ۔انہاں امید ظاہر کیتی جو انہاں دی ٹیم پی ایس ایل دے فائنل اچ پجسی ۔