ہرارے (پاکستان نیوزپوائنٹ یکم مارچ2018ء) آئی سی سی ورلڈ کپ کوالیفائر ٹورنامنٹ 4 مارچ(اتوار) توں زمبابوے اچ شروع تھیسی۔ ٹورنامنٹ اچ 10 ملکاںدیاں ٹیماں شرکت کریسن۔ انہاں ٹیماں کوں ڈو گروپاں اچ تقسیم کیتا گئے ۔ گروپ اے اچ پاپوا نیو گنی، متحدہ عرب امارات، آئرلینڈ، ہالینڈ اتے ویسٹ انڈیز جڈانجو گروپ بی اچ افغانستان، سکاٹ لینڈ، زمبابوے، ہانگ کانگ اتے نیپال شامل ہن۔
ایونٹ دے پہلے ڈینھ چار میچ کھیڈے ویسن ۔ گروپ بی اچ افغانستان اتے سکاٹ لینڈ دیاں ٹیماں بلاوایو ایتھلیٹک کلب اچ کھیڈسن۔ ڈوجھا میچ گروپ اے دیاںٹیماں پاپوا نیو گنی اتے یو اے ای وچال ہرارے سپورٹس کلب اچ کھیڈیا ویسی ۔ تریجھا میچ آئرلینڈ اتے ہالینڈ وچال تھیسی جڈانجو چوتھا میچ زمبابوے اتے نیپال وچال کھیڈیا ویسی ۔ پہلے مرحلے اچ ہر ٹیم چار گروپ میچ کھیڈسی۔ ٹورنامنٹ دا فائنل 25 مارچ کو ں تھیسی۔
