اسلام آباد (پاکستان نیوز پوائنٹ 09ستمبر 2016ء) اسلام آباد بلائنڈ کرکٹ ٹیم نیشنل بینک ٹی 20 بلائنڈ کرکٹ ٹورنامنٹ اچ شرکت سانگے 24 ستمبر کوں بہاولپور روانہ تھیسی۔ اسلام آباد بلائنڈ کرکٹ ایسوسی ایشن دے جنرل سیکرٹری محمد بلال ستی دے مطابق ایونٹ دی تیاری سا نگے اسلام آباد ٹیم دا تربیتی کیمپ 21 ستمبر کوں پی اے ایف کرکٹ گرائونڈ ای نائن اسلام آباد تے شروع تھیسی جیرھا جو 23 ستمبر تئیں جاری رہسی۔
تربیتی کیمپ اچ اسلام آبادتوں 30 کھلاڑیاں کوں سڈیا گیا ہے جنہاں اچ ایونٹ سانگے 14کھلاڑیاں کوں چنڑیا ویسی ۔انہاں آکھیا جو نیشنل بینک ٹی ٹونٹی بلائنڈ کرکٹ ٹورنامنٹ 25 ستمبر توں یکم اکتوبر تئیں بہاولپور اچ کھیڈیا ویسی ۔ٹورنامنٹ اچ پورے ملک توں 12 ٹیماںایکشن اچ نظر امسن جیں اچ پورے ملک توں ٹیماں شرکت کریسن انہاں اچ اسلام آباد، پشاور، ایبٹ آباد، کشمیر، گوجرنوالہ، لاہور، اوکاڑہ، فیصل آباد، کوئٹہ، کراچی تے حیدر آباد، سرگودھا ، اٹک ، شیخوپورہ اتے ملتان دے کھلاڑی شامل ہن ۔
