آسٹریلیا 100 ٹی ٹونٹی انٹرنیشنل کرکٹ میچ کھیڈنڑ آلی دنیا دی چھیویںٹیم بنڑ گئی

آکلینڈ(پاکستان نیوزپوائنٹ 21 فروری2018ء) آسٹریلوی ٹیم ٹی ٹونٹی انٹرنیشنل کرکٹ میچز دی سنچری پوری کر گھدی، کینگروز ٹیم ترائے ملکی ٹی ٹونٹی سیریز اچ نیوزی لینڈ دے خلاف فائنل میچ اچ شرکت نال ا یہ اعزاز حاصل کیتے، آسٹریلیا ایہ اعزاز گھنڑ آلی دنیا دی چھیویں ٹیم بنڑ گئی ہے۔ ایں توں پہلے پاکستان، نیوزی لینڈ، سری لنکا، جنوبی افریقہ اتے انگلینڈ دیاں ٹیماں وی ا یہ اعزاز رکھیندیاں ہن۔پاکستانی ٹیم 123میچز کھیڈ تے پہلے نمبر تے ہے، نیوزی لینڈ 111 میچ کھید تے ڈوجھے، سری لنکا 104 میچاں دے نال تریجھے، جنوبی افریقہ 101 میچ کھیڈ تے چوتھے، انگلینڈ اتے آسٹریلیا 100، 100 میچ کھیڈ تے پنجویں نمبر تے موجود ہن۔