تازہ ترین ویمنز ون ڈے پلیئرز رینکنگ، آسٹریلیا دی ایلیز پری پہلی واری نمبر ون بلے باز بنڑ گئے

دبئی (پاکستان نیوزپوائنٹ 16فروری2018ء) آئی سی سی ویمنز ون ڈے پلیئرز دی تازہ رینکنگ جاری کیتی اے جیں موجب سٹار آسٹریلوی آل راﺅنڈر ایلیز پری پہلی واری نمبر ون پوزیشن گھدی اے۔انجہاں اے پوزیشن بھارتی بلے باز متھالی راج توں کھسی اے۔آسٹریلوی قائد میگ لیننگ ڈوجھے نمبر تے ہین۔جڈاں جو متھالی راج ڈو درجے ہیٹھ تریجے نمبر تے رہ گئی اے۔سیٹرتھویٹ چوتھے، بلیک ویل پنجویں، سوزی بیٹس چھیویں اتے کوہر ستوین نمبر تے ہے۔بالراں اچ جنوبی افریقہ دی مریزن کیپ پہلے، بھارت دی جھولن گوسوامی ڈوجھے اتے سیرا ٹیلر تریجھے نمبر تے اے۔پاکستان دی ثنا میر دا نمبر اٹھواں رہے۔ آل راﺅنڈرز اچ آسٹریلیا دی ایلیز پری بدستور سرفہرست اے۔ پاکستان دی ثناءمیرچھیویں نمبر تے رہی۔