ٹی ٹونٹی انٹرنیشنل کرکٹ؛تاریخ اچ پہلی واری اوپننگ شراکت اچ ڈو سنچریاں بنڑین

آکلینڈ (پاکستان نیوزپوائنٹ 16فروری2018ء) ٹی ٹونٹی انٹرنیشنل کرکٹ دی تاریخ اچ پہلی واری ہک میچ اچ اوپننگ شراکت اچ ڈو سنچریاں بنڑین۔گذریل ڈینہہ سہ ملکی ٹی ٹونٹی انٹرنیشنل کرکٹ سیریز دﺅے میچ اچ پہلے کیویز بلے بازاں مارٹن گپٹل اتے کولن منرو کینگرز باولراں دا دھوں کڈھ ڈتے اتے ٹیم کوں 132 رنز دی پہلی شراکت ڈتی۔بعد اچ آسٹریلوی اوپنرڈیوڈ وارنر اتے ڈی آرسی شارٹ وی کیویزبالراں کوں دھوونڑ اچ کوئی کسر نئیں چھوڑی اتے اپنڑی ٹیم کوں 121 رنز دی شروعات ڈتی۔اے ٹی ٹونٹی تاریخ دا پہلا موقع ہا جو ہکے میچ اچ اوپننگ جوڑیاں ڈو سنچریاں دی شراکت کیتی۔اے میچ آسٹریلیا دے ناویں رہے۔