آکلینڈ (پاکستان نیوزپوائنٹ23جنوری2018ء) نیوزی لینڈ اتے پاکستان دیاں کرکٹ ٹیماں وچال ترائے ٹی 20 بین الاقوامی میچاں تے مشتمل سیریز دا ڈوجھا میچ (کل) خمیس کوں ایڈن پارک، آکلینڈ اچ کھیڈیا ویسی ۔ میزبان ٹیم کوں گرین شرٹس دے خلاف ترائے میچاں دی سیریز اچ 1-0 دی برتری حاصل ہے۔ کیویز ٹیم پہلے ٹی 20 کرکٹ میچ اچ پاکستان کو ں7 وکٹاں توں ہرا ئے۔ ایں توں پہلے کھیڈی گئی ون ڈے سیریز اچ میزبان نیوزی لینڈ، پاکستان کوں 5-0 توں وائٹ واش کیتا ہا۔
ون ڈے سیریز دے بعد ترائے ٹی 20 میچاں دی سیریز دے پہلے میچ اچ جیت دے بعد کیویز ٹیم کپتان دا آکھنڑ ہے جو انہاں دی ٹیم چنگی کارکردگی دے تسلسل کو ںبرقرار رکھیندے ہوئیں ٹی 20سیریز وی جیت وی اپنڑے ناں کرنڑ سانگے پر جوش ہے۔ ڈوجھے پاسے پاکستانی ٹیم دے کپتان دا آکھنڑ ہا جو ہار جیت کھیڈ دا حصہ ہے ڈوجھے میچ اچ کیویز کو ں ہرا تے سیریز اچ کم بیک کریسوں۔ ڈوہائیں ٹیماں وچال کانٹے دار مقابلے دی توقع ہے۔ ڈوہائیں ٹیماں وچال ڈوجھا ٹی 20 انٹرنیشنل کل خمیس جڈانجو تریجھا اتے چھیکڑی ٹی ٹونٹی 28 جنوری کوں کھیڈیا ویسی۔
