پاک نیوزی لینڈ کرکٹ سیریز؛پاکستان چوتھا میچ وی ہر گئےنیوزی لینڈ کوں پنج میچاں دی سیریز اچ چار صفر دی وتھی،شاندار کھیڈ تے کولن گرینڈ ہوم کوں پِڑ دا جنڑاں قرار ڈتا گئے

پاک نیوزی لینڈ کرکٹ سیریز؛پاکستان چوتھا میچ وی ہر گئےنیوزی لینڈ کوں پنج میچاں دی سیریز اچ چار صفر دی وتھی،شاندار کھیڈ تے کولن گرینڈ ہوم کوں پِڑ دا جنڑاں قرار ڈتا گئے

ہیملٹن (پاکستان نیوزپوائنٹ16جنوری2018ء) ہملٹن اچ کھیڈیے ونجنڑ آلے چوتھے ہک ڈینہواری میچ اچ نیوزی لینڈ پاکستان کوں پنج وکٹاں توں ہرا تے سیریز اچ چار صفر توں وِتھی گھن گھدی اے۔نیوزی لینڈ 263 رنز دا ہدف چھتالویں اوور اچ پار کر گھدے۔شاندار کھیڈ تے کولن گرینڈہوم کوں پِڑ دا مہاندرا کھیڈاڑی قرار ڈتا گئے۔ ہملٹن اچ قومی کرکٹ ٹیم دے کپتان ٹاس جیت تے پہلے بیٹنگ دا فیصلہ کیتے۔

پہلے بیٹنگ کریندے ہوئےپاکستان دی محمد حفیظ دے 81 ، فخر زمان دے 54، سرفراز احمد دے 51 اتے حارث سہیل دے 50 رنزپاروں 50 اووراں 8 وکٹاں دے نقصان تے کیویز کوں میچ جیتنڑ کیتے 263 رنز دا ہدف ڈتے ۔ نیوزی لینڈ ولوں ٹم ساﺅتھی ترائے، کین ولیمسن ڈو جڈاں جو ٹرینٹ بولٹ اتے سانٹنرہک ہک کھیڈاڑی کوں آو ¿ٹ کیتے ۔ جواب اچ کیویز ٹیم ولوں مارٹن گپٹل اتے منرو اننگز شروع کیتی اتے پہلی وکٹ دی شرکت اچ 88 رنزجوڑین۔

منرو 56 رنز، مارٹن گپٹل 31 رنزبنڑا تے شاداب دا شکار بنڑین۔ٹیلر کو ہک رن تے رومان رئیس جُلدا کیتے۔ لاتھم وی اٹھ رنز بنڑا تے شاداب دے ہتھوں او ¿ٹ تھین بھل کولن گرینڈ ہوم74 رنز اتے نکولس52رنز ناقابل شکست 126 رنز دی ساجھے داری کیتی اتے ٹیم کوں چھتالویں اوور اچ جتوا ڈتے۔نیوزی لینڈ پاکستان کو پنج وکٹاں توں ہرا تے سیریز اچ چار صفر دی وتھی گھن گھدی۔