اسلام آباد/لاہور (پاکستان نیوزپوائنٹ09جنوری2018ء) پنجویںبلائنڈ کرکٹ ورلڈ کپ اچ (اج) بدھ کوں ڈو میچ کھڈے ویسن۔ ایں سلسلے اچ پہلا میچ بنگلہ دیش اتے نیپال دیاں ٹیماں وچال اقبال سٹیڈیم فیصل آباد اچ جڈانجو ڈوجھا میچ بھارت اتے سری لنکا وچال عجمان اوول کرکٹ گراﺅنڈ اچ کھیڈای ویسی ۔ 12 جنوری کوں پاکستان دا آپنڑے روایتی حریف بھارت نال عجمان اوول کرکٹ گراﺅنڈ اچ ٹاکرا تھیسی ۔
میگا ایونٹ دے سیمی فائنل مرحلے دا آغاز 17 جنوری توں شروع تھیسی۔ پہلا سیمی فائنل 17 جنوری کو ںٹورنامنٹ دی پہلے اتے چوتھے نمبر تے آونڑ آلیاں ٹیماں وچال میچ عجمان اوول کرکٹ گراﺅنڈ اچ کھیڈیا ویسی ۔ ڈوجھے سیمی فائنل اچ ڈوجھی اتے تریجھی پوزیشن گھنڑ آلیاں ٹیماں18 جنوری کوں ایم سی سی گراﺅنڈ عجمان اچ کھیڈسن۔ واضح رہوے جو بھارتی ٹیم دے فائنل اچ پجنڑ ا تے بھارت کوں فائنل کھیڈنڑ سانگے پاکستان آونڑ دا این او سی نہ ملنڑ تے بلائنڈ کرکٹ ورلڈ کپ دا فائنل 19 جنوری کوں شارجہ اچ کھیڈیا ویسی ۔ ڈوجھی صورت اچ ایونٹ دا فائنل 21 جنوری کوں لاہور دے قذافی سٹیڈیم اچ کھیڈیا ویسی۔
