ون ڈے سیریز، انگلینڈ اتے پاکستان دی آئی سی سی رینکنگ وچ کوئی فرق کائنی پیا

ون ڈے سیریز، انگلینڈ اتے پاکستان دی آئی سی سی رینکنگ وچ کوئی فرق کائنی پیا

لاہور (پاکستان نیوز پوائنٹ 05ستمبر 2016ء) پاکستان اتے انگلینڈ وچال پنج ون ڈے میچاں دی سیریز مکنڑ دے بعد انگلینڈ اتے پاکستان دیاںکرکٹ ٹیماں دی آئی سی سی ون ڈے رینکنگ وچ کوئی فرق کائنی پیا ۔انگلینڈ دا ون ڈے وچ آئی سی سی رینکنگ وچ بدستور پنجواں اتے پاکستان دا بدستور نوواں نمبر ہے تاں جو پاکستان دی ٹیم د ے آئی سی سی رینکنگ دے پوائنٹس وچ ہک پوائنٹ دی گھٹکی تھئی ہے۔

پاکستان دے ون ڈے سیریز توں پہلے آئی سی سی رینکنگ وچ 87 پوائنٹس ہن لیکن سیریز دے بعد ایندے 86 پوائنٹس ہن ۔ سیریز مکنڑ تے انگلینڈ دی ٹیم دے آئی سی سی رینکنگ پوائنٹس وچ ہک پوائنٹ دا ودھار اتھیا ہے ایندے سیریز توں پہلے 106پوائنٹس ہن جڈانجو سیریز مکنڑ دے بعد 107پوائنٹس تھی گئے ہن ۔انگلینڈ دے خلاف ون ڈے سیریز ہارنڑ دے بعد پاکستان دا ورلڈ کپ سانگے کوالیفائی کرنڑ بیا مشکل تھی گئے ۔ہنڑ پاکستان کوں ویسٹ انڈیز اتے آسٹریلیا دے خلاف سیریز وچ چنگی پرفارمنس دا مظاہرہ کرنڑ پوسی ۔پاکستان دی ٹیم انگلینڈ دے خلاف پنجواں اتے چھیکڑی ون ڈے میچ جت گئی پر ون ڈے سیریز وچ ایکوں 4-1نال ہار داسامنڑاںکرنڑ پیا ۔