ویلنگٹن(پاکستان نیوزپوائنٹ 04دسمبر2017ء) نیوزی لینڈ ویلنگٹن ٹیسٹ اچ ویسٹ انڈیز کوں اننگز اتے 67 رنزتوں ہرا تے ڈو میچاں دی سیریزاچ 1-0دی وتھی گھن گھدی اے۔ ویسٹ انڈین ٹیم ڈوجھی اننگ اچ 319 رنز بنڑا تے آوٹ تھی گئی ہئی۔ کریگ بریتھویٹ 91 رنزبنڑا ئین۔ میٹ ہینری ترائے جڈاں جو نیل ویگنر، ٹرینٹ بولٹ اتے گرینڈہوم ڈو، ڈو وکٹاں گھدین۔تفصیل موجب سنوار کوں ٹیسٹ دے چوتھے ڈینہہ ویسٹ انڈیزآپنڑی ڈوجھی اننگ 214 رنز 2 کھڈاڑی آوٹ تے ولا شروع کیتی توں 79 اتے شائی ہوپ 21رنز تے کھیڈدے پئے ہن۔
براتھویٹ نروس نائنٹیزدا شکار تھین اتے 91 رنزتے سینٹنردی گوڑھی تے ایل بی ڈبلیو تھی گین۔ شائی ہوپ وی نئیں ٹک سگیے اتے 37 رنزبنڑا تے ٹرینٹ بولٹ دی گوڑھی تے کیچ آوٹ تھی گین۔273 تے ویسٹ انڈیز کوں روسٹن چیز دی وکت دے تے نقصان چاونڑاں پئے جڈاں او 18 رنزتے میٹ ہینری دے ہتھوں کلین بولڈ تھی گین۔ سنیل ایمبرس 18 رنزتے گرینڈ ہوم دا نشانہ بنڑ گین ایندے بعد ویسٹ انڈیز دیاں وکٹاں ہک ہک کرتے ڈھاونڑ پئے گین اتے پوری ٹیم 319 رنزتے آوٹ تھی گئی۔
شین ڈورچ 3 ، جیسن ہولڈر 7 ، کمنز 14 اتے کیمار روچ 7 رنزبنڑا سگین۔ایویں نیوزی لینڈ ویسٹ انڈیزکوں ہک اننگز اتے 67 رنزتوں ہرا ڈتے۔ میٹ ہینری ترائے جڈاں جو نیل ویگنر، گرینڈ ہوم اتے ٹرینٹ بولٹ ڈو ڈو وکٹان گھدین۔ نیل ویگنر کوں پہلی اننگز اچ 7 وکٹاں گھنڑ تے پنڑ دا جنڑاں قرار ڈتا گئے۔
