پاکستان تے انگلینڈ دی کرکٹ ٹیماں وچال پہلا ون ڈے (کل)کھیڈیا ویسی

ساﺅتھمپٹن (پاکستان نیوز پوائنٹ 22اگست 2016ء) پاکستان تے انگلینڈ دیاں کرکٹ ٹیماں وچال پنج ہک ڈینھ دے بین الاقوامی میچاںدی سیریز دا پہلا میچ کل بدھ کوں ساﺅتھمپٹن اچ کھیڈیا ویسی ،میچ ڈے اینڈ نائٹ ہوسی تے پاکستان دے معیاری ویلھے دے مطابق شام 6وجے شروع تھیسی سیریز اچ آزمائشی طور تے تھرڈ ایمپائر فرنٹ فٹ نو بالز ڈیسی ۔ایندے توں پہلے ڈوہیں ٹیماں وچال کھیڈے گے ٹیسٹ میچاں دی سیریز 2-2توں برابر ہئی ۔ پاک انگلینڈ ٹیماں وچال ون ڈے سیریز دا پہلا میچ 24 اگست کوں ساﺅتھمپٹن اچ کھیڈ یا ویسی ایندے بعد ڈوہیں ٹیماں وچال سیریز دا ڈوجھا میچ 27اگست لارڈز ،لندن اچ کھیڈیا ویسی ،انہاں میچاں دے بعد ڈوہیں ٹیماں وچال ہکو ٹی ٹونٹی میچ 7ستمبر کوں مانچسٹر اچ کھیڈیا ویسی ۔