انگلش ٹیم سانگے بری خبر، فاسٹ باﺅلر ڈیوڈ ویلے فٹنس دے مسلے پاروں پاکستان دے خلاف ون ڈے توں باہر

انگلش ٹیم سانگے بری خبر، فاسٹ باﺅلر ڈیوڈ ویلے فٹنس دے مسلے پاروں پاکستان دے خلاف ون ڈے توں باہر

لندن (پاکستان نیوز پوائنٹ 22اگست 2016ء) انگلش ٹیم دے فاسٹ باﺅلر ڈیوڈ ویلے فٹنس مسلیں پاروں اجوکے ہفتے پاکستان دے خلاف شیڈول ون ڈے سیریز توں دستبر دار تھی گے انہاں دی جاہ تے ناٹنگھم شائر دے جیک بال کوں ٹیم اچ سڈ گھدا گیا ہے ،انگلینڈ تے پاکستان وچال پنج ون ڈے میچاں تے مشتمل سیریز دا آغاز 24اگست کوں تھیسی ۔انگلینڈ اینڈ ویلز کرکٹ بورڈ (ای سی بی ) ولوں جاری بیان دے مطابق ڈیوڈ ویلے نیٹ ویسٹ ٹی ٹونٹی ٹارنامنٹ اچ ڈرھم دے خلاف سیمی فائنل دے دوران ہتھ دی انجری دا شکار تھی گے ہن ،ڈاکٹراں طبی معائنے دے بعد ایکسرے رپورٹ ڈٹھی تاں انہاں آکھیا جو انہاں دی انجری سنجیدہ نوعیت دی ہے ،انہاں کوں کجھ عرصے سانگے آرام کرنڑاں ہوسی