قومی کر کٹرز دے فٹنس ٹیسٹ ڈوجھے ڈینھ وی نیشنل کرکٹ اکیڈمی لاہور اچ جاری

قومی کر کٹرز دے فٹنس ٹیسٹ ڈوجھے ڈینھ وی نیشنل کرکٹ اکیڈمی لاہور اچ جاری

لاہور (پاکستان نیوزپوائنٹ23اگست2017ء)قومی کرکٹرز دے فٹنس ٹیسٹ ڈوجھے ڈینھ وی نیشنل کرکٹ اکیڈمی لاہور اچ جاری رہیے ۔بدھ کوں قومی کرکٹ ٹیم دے ہیڈ کوچ مکی آرتھر دی نگرانی اچ کھلاڑیاں کوں نیٹ اچ بیٹنگ ،باﺅلنگ تے فیلڈنگ کروا تے انہاں دی کاکردگی تے فٹنس چیک کیتی گی ۔فٹنس ٹیسٹ دا اج خمیس کوں چھیکڑی ڈینھ ہوسی ۔عمر اکمل کرکٹر کوں فٹنس دی بنا تے ٹیم توں ڈراپ کیتے ونجنڑد ی وجہ توں قومی کرکٹرز اپنڑی فٹنس تے بہوں چنگی توجہ ڈتی ہوئی ہے جیں دی وجہ توں ذرائع دا آکھنڑ ہے جو ہنڑ تئیں سارے کھلاڑیاں دی فٹنس معیار دے مطابق رہی ہے ۔

فٹنس اچ سینٹرل کنٹریکٹ دی مختلف کیٹگریز دے کھلاڑی شامل ہن جیں اچ اے کیٹگری اچ 6کھلاڑی شامل ہن اظہر علی، شعیب ملک، کپتان سرفراز احمد، یاسر شاہ، محمد حفیظ، محمد عامر، بی کیٹیگری اچ چار کھلاڑی بابر اعظم، عماد وسیم، اسد شفیق، حسن علی، سی کیٹیگری اچ گیارہاں کھلاڑی وہاب ریاض، راحت علی، حارث سہیل، سمیع اسلم، شان مسعود، سہیل خان، فخر زمان، جنید خان، احمد شہزاد، محمد عباس، شاداب خان، ڈی کیٹیگری اچ 14کھلاڑی محمد نواز، آصف ذاکر، عثمان صلاح الدین، عامر یامین، عثمان شنواری، فہیم اشرف، رمان رئیس، امام الحق، بلال آصف، میر حمزہ، عمر امین، محمد حسن، محمد اصغر، محمد رضوان شامل ہن۔

مکی آرتھر اتے بے غیر ملکی کوچنگ سٹاف کھلاڑیاں دی فٹنس کوں مزید چنگاں کرنڑ سانگے انہاں کوں ٹپس ڈتے ۔