بہوں گھٹ موبائل فون استعمال کرینداں، اکشے کمار

ممبئی (پاکستان پوائنٹ نیوز28نومبر2017ء) بالی وڈ اداکار اکشے کمار آکھیے جو اوہ موبائل فون دا استعمال بہوں گھٹ کریندن۔بھارتی ذرائع ابلاغ مطا بق اداکار فلم2.0 اچ کم کر نڑ دے بعد ٹیکنالو جی دے منفی اثرات اچ ودھارے متعلق سوال دا جواب ڈیندے ہوئیں آکھیے جو میں موبائل فون دا زیادہ استعمال نی کریندا بلکہ میں فون دااستعمال اوں ویلھا تئیں نی کریندا جداں تئیں بہوں ضروری نہ ہوئے۔اداکارآکھیے جومیں فلم2.0کر نڑ توں پہلے وی ٹیکنالوجی دا ضرورت توں ودھ استعمال نہ کر نڑ بارے واقف ہم۔واضح رہوے جو اداکار اکشے کمار دی فلم2.0اج 29 نومبر کوں ریلیز کیتی ویندی ہے۔>