اسلام آباد (پاکستان نیوز پوائنٹ 02 فروری2016ء) کراچی اچ سیکنڈ ہینڈ موبائل گھننڑسانگے سی پی ایل سی توں موبائل دی تصدیق دی پابندی لاڈتی گی ہے ۔نجی ٹی وی چینل دے مطابق کراچی اچ سٹریٹ کرائمز تے قابو پاونڑ سانگے پولیس سی پی ایل سی اتے الیکٹرانکس ڈیلرز نال رل تے ہک ضابطہ اخلاق تیار کیتا ہے جیں دے تحت استعمال شدہ فون گھننڑ توں پہلے ڈیلرز سی پی ایل سی توں موبائل دی تصدیق دے پابند ہوسن ۔
ایں حوالے نال سی پی ایل سی استعمال شدہ موبائل فونز دی خریدو فروخت سانگے فارم وی تیار کر گھدا ہے جیں دے ذریعے کوئی وی دکاندار استعمال شدہ موبائل فون خرید کرنڑ توں پہلے اینکوں فروخت کرنڑ آلے بندے دا شناختی کارڈ اتے فون نمبر حاصل کریسی تے سی پی ایل سی توں تصدیق دے بعد ہی او موبائل فون کہیںتوں خرید کریسی تاں ایندے ضابطہ اخلاق تے عمل نہ کرنڑ دی صورت اچ دکاندار کوں گرفتار کیتا ویسی ۔
