گورنر پنجاب محمد رفیق رجوانہ دی وفاقی وزیر خزانہ سینیٹر اسحاق ڈار نال ملاقات، پنجاب اچ اعلیٰ تعلیم بارے امور اُتے گالھ مہاڑ ،صرف ڈھئی سالیں اچ میکرو اکنامک استحکام حاصل کیتے ،اسحاق ڈار

گورنر پنجاب محمد رفیق رجوانہ دی وفاقی وزیر خزانہ سینیٹر اسحاق ڈار نال ملاقات، پنجاب اچ اعلیٰ تعلیم بارے امور اُتے گالھ مہاڑ ،صرف ڈھئی سالیں اچ میکرو اکنامک استحکام حاصل کیتے ،اسحاق ڈار

اسلام آباد (پاکستان نیوز پوائنٹ 31جنوری2016ء) گورنر پنجاب محمد رفیق رجوانہ وفاقی وزیر خزانہ سینیٹر اسحاق ڈار نال منگل کوں اسلام آباد اچ ملاقات کیتی۔ ملاقات اچ گورنر پنجاب وفاقی وزیر دے نال پنجاب اچ اعلیٰ تعلیم دے امور بارے گالھ مہاڑ کیتی ۔ ایں موقعے تے الیندے ہوئیں انہاں وزیر خزانہ اسحاق ڈار کوں ملکی معاشی ترقی اتے شاندار کارکردگی اُتے مبارخ ڈتی اتے آکھیا جو عالمی ادارے پاکستان دی اقتصادی ترقی دا اعتراف کریندے پئے ہن ۔

وزیر خزانہ آکھیا جو میکرو اکنامک استحکام دے حصول دے بعد حکومت ہنڑ اعلیٰ شرح نمو، پائیدار و مجموعی اقتصادی ترقی دے حصول اُتے توجہ ڈتی ہوئی ہے ۔ انہاں آکھیا جو 2013ء اچ جئیں ویلے موجودہ حکومت اقتدار سنبھالا تاں پاکستان دی معیشت تلے ویندی پئی ہئی اتے عالمی ماہراں پیشنگوئی کریندے پئے ہن جوا ساڈی معیشت مستحکم تھیونڑ اچ پنج سال دا عرصہ لگسی ۔ وزیر خزانہ آکھیا جو انہاں پیشنگوئیاں دے برعکس پاکستان صرف ڈھئی سالیں دے عرصے اچ میکرو اکنامک استحکام حاصل کیتا اتے اے موجودہ حکومت دیاں کوششاں پاروں ممکن تھئے ۔