فوجداری قنون ترمیمی بل 2017 قومی اسمبلی اچ پیش، مزید کارروائی سانگے متعلقہ قائمہ کمیٹی دے حوالے

فوجداری قنون ترمیمی بل 2017 قومی اسمبلی اچ پیش، مزید کارروائی سانگے متعلقہ قائمہ کمیٹی دے حوالے

اسلام آباد (پاکستان نیوز پوائنٹ 31جنوری2016ء) فوجداری قانون ترمیمی بل 2017 قومی اسمبلی اچ پیش کر ڈتا گیا جیں کوں مزید کاروائی سانگے متعلقہ قائمہ کمیٹی دے حوالے کر ڈتا گیا ۔ منگل کوں ایم کیو ایم دے رکن ایس اے اقبال قادری ایوان اچ بل پیش کرنڑ دی اجاز ت منگی ،ایوان توں اجاز ملنڑدے بعد انہاں بل پیش کیتا۔ انہاں بل دے اغراض و مقاصد ڈسیندے ہوئیں آکھیا جو ایں بل دا بنیادی مقصد پاکستان دے شہریاں کوں کوڑے مقدمیں اچ ملوث کرنڑ توں روکنڑ ہے ۔وزیر قنون زاہد حامد آکھیا جو پہلے توں سی آر پی سی ترمیم سانگے بہوں سارا کم تھیا ہے ۔ایں مرحلے اچ او بل دی مخالفت کائناں کریسن ۔ایں کوں کمیٹی دے حوالے کیتا ونجے جیں تے بل سپیکر کمیٹی دے حوالے کر ڈتا ۔