اسلام آباد (پاکستان نیوز پوائنٹ 30جنوری2016ء) چینی ذرائع ابلاغ نویں قمری سال دے موقع تے پاکستان دے نال مضبوط دوستانہ تعلقات دے حوالے نال وزیراعظم محمد نواز شریف دے بیان کوں چنگی کوریج ڈتی ہے ۔گلوبل ٹائمز آئن لائن بیجنگ اتے سرکاری خبر رساں ادارے دے مطابق وزیراعظم محمد نواز شریف آکھیا ہے جو چین اتے پاکستان سدا بہار مضبوط دوستانہ تعلقات اچ جڑیے ہوئے ہن ۔
چینی میڈیا اسلام آباد اچ چین دے سفارتخانے دے ایں بیان دا حوالہ ڈتا ہے جیں اچ وزیراعظم محمد نواز شریف دے بیان کوں اجاگر کریندے ہوئیں آکھیا ہے جو او نویں قمری سال دی آمد تے پاکستان دے عوام تے حکومت ولوں چین دی عوام تے حکومت دے نال نیک خواہشات دا اظہار کریندے ہن ۔وزیراعظم آکھیا جو چائنہ پاکستان اقتصادی کوریڈور دے تحت ڈو طرفہ شراکت داری پاک چین ڈوطرفہ تعلقات اچ سنگ میل ثابت تھیسی۔
