وزیر خزانہ سینیٹر اسحاق ڈار دی صدارت اچ قرضیاں دے انظام و انصرام بارے اجلاس

وزیر خزانہ سینیٹر اسحاق ڈار دی صدارت اچ قرضیاں دے انظام و انصرام بارے اجلاس

اسلام آباد (پاکستان نیوز پوائنٹ 28جنوری2016ء) وزیر خزانہ سینیٹر اسحاق ڈار دی صدارت اچ چھنڑ چھنڑ کوں وزارت خزانہ اچ قرضوں دے انظام و انصرام بارے اجلاس تھیا۔ ڈائریکٹر جنرل ڈیٹ وزیر خزانہ کوں قرضیاں دے انظام و انصرام بارے تفصیل نال ڈسایا۔ انہاں گزریل ترائے سالیں اچ ڈیٹ پالیسی کوںآرڈینیشن آفس اچ گھن آیاں ونجنڑآلیاں اصلاحات بارے ڈسایا۔

انہاں ڈسایا جو جدید ٹیکنالوجی اتے طریقے اختیار کرنڑ نال ڈیٹ منیجمنٹ اچ شفافیت اتے کارکردگی چنگی تھی ہے ۔ ایں موقعے تے اسحاق ڈار آکھیا جو موجودہ حکومت دے دور اچ سرکاری قرضیاں دے پروفائل اچ چنگائی آئی ہے ۔ انہاں آکھیا جو عالمی کریڈٹ ریٹنگ ایجنسیاں پاکستان دی کریڈٹ ریٹنگ اچ بہتری دا اعتراف کیتے۔ انہاں ڈیٹ پالیسی کوآرڈینیشن آفس دیاں کوششاں دی تعریف کریندے ہوئیں بہترین عالمی معیارات اتے طریقیاں اُتے عمل پیرا تھی تے قرضیاں دے انتظام و انصرام کوں بیاں چنگا بنڑاونڑ دی لوڑ اُتے زور ڈتا۔

انہاں قرضیاں دے انتظام و انصرام اچ کارکردگی کوں بیا چنگا کرنڑ کیتے وزارت خزانہ، وزارت اقتصادی امور اتے سٹیٹ بنک کوں آپس اچ قریبی رابطے رکھنڑ دی لوڑ اُتے زور ڈتا۔ اجلاس اچ وزارت اقتصادی امور، وزارت خزانہ، سٹیٹ بنک دے اعلی حکام وی شرکت کیتی۔