اسلام آباد (پاکستان نیوز پوائنٹ 28جنوری2016ء) امریکی سفارتخانہ دے اقتصادی امور دے قونصلر جوئیل رابرٹ گارویرک دی قیادت اچ پاکستان دے اعلیٰ سرکاری حکام، تاجر، کساناں اتے زرعی ماہراں تے مشتمل وفد4 فروری تئیں اٹلانٹا، جارجیا دا دورہ کریسی ، جیندا مقصد امریکا اتے پاکستان وچال ڈوطرفہ تجارتی تعلقات کوں فروغ ڈیونڑ اتے زراعت دے شعبے اچ تجارت تے سرمایہ کاری کوں ودھاونڑ ہے ۔
چھنڑ چھنڑ کوں امریکی سفارتخانہ دے مطابق وفد پولٹری، گوشت اتے فیڈ انڈسٹریز بارے امریکا دی ساریاں توںوڈی عالمی تجارتی نمائش انٹرنیشنل پروڈکشن اینڈ پروسیسنگ ایکسپو (آئی پی پی ای) اچ شرکت کریسی ، جیندامقصد زراعت دے شعبے اچ جدت کوں ودھاونڑ ہے ۔ انٹرنیشنل پروڈکشن اینڈ پروسیسنگ ایکسپو (آئی پی پی ای) 2017 دے بعد وفد زرعی کاروبار نال جڑیئے ہوئے امریکی منتظمین اتے محققین نال ملاقاتاں کریسی ، جنہاں اچ جارجیا ٹیک ایگریکلچر ٹیکنالوجی ریسرچ گروپ اتے انوویشن لیب دے ماہروی شامل ہن ، انہاں ملاقاتاں اچ ایں طرح دیاں جدید راہواں گولیاں ویسن ، جنہاں نال پاکستان کوں فیدہ تھی سگدے ۔
اے وفد جارجیا اچ آڑو دے باغ دا وی دورہ کریسی اتے جارجیا دے فارم بیورو، کاٹن کمیشن، امریکی محکمہ زراعت اتے ایندی ریسرچ سروس دے نال وی ملاقاتاں کریسی ۔
