اسلام آباد (پاکستان نیوز پوائنٹ 27جنوری2016ء) وفاقی وزیر بین الصوبائی رابطہ میاں ریاض حسین پیرزادہ آکھیا جو ایوان اچ جیرھا کجھ تھیاغلط تھیا اینویں نی ہوونڑاں چاہیدا ،سپیکر قومی اسمبلی واقعے دے تحقیقات کرویندے پن ۔جمعے کوں پارلیمنٹ ہاﺅس دے باہروں میڈیا نال گالھ مہاڑ کریندے ہوئیں انہاں آکھیا جو گزریل ڈینھ ایوان اچ اپوزیشن جماعتاں ولوں جیرھا کجھ وی تھیا اینویں نی ہوونڑاں چاہیدا ۔
ایں طرح دے واقعات پارلیمانی آداب دے خلاف ہن ،عوم کیاانہاں لوکاں کوں ہیں سانگے بھیجاہئی ۔انہاں آکھیا جو کل دے واقعے دی سپیکر قومی اسمبلی تحقیقات کرویندے پے ہن ۔ہک سوال دے جواب اچ انہاں آکھیا جو وفاقی وزیر شاہد خاقان عباسی سینئر سیاستدان ہن تے دھیمے انداز دے ہن، انہاں ایڈوائزری کمیٹی دے اجلاس اچ تھیونڑ آلے فیصلیں دے حوالے نال گالھ کیتی ہئی ۔
