اسلام آباد ۔ 26 جنوری(اے پی پی) وزیراعظم محمد نواز شریف امید ظاہر کیتی جو عالمی بینک ثالثی عدالت دے قیام نال پن بجلی دے منصوبایں دی تعمیر بارے پاکستان اتے بھارت وچال پیدا تھیونڑ آلے تنازعے دے حل اچ آپنڑاں کردار نبھیسیْ۔انہاں اے گالھ خمیس کوں عالمی بینک گروپ دی چیف ایگزیکٹو آفیسر کرسٹا لینا آئی جورجیو نال وزیراعظم ہائوس اچ گالھ مہاڑ کریندیں ہوئیں آکھی۔
وزیراعظم بھارتی ولوں سندھ طاس معاہدے 1960ء جئیں تے عالمی بینک دستخط کنندہ اے،دی خلاف ورزی کریندیں ہوئیں ہائیڈروالیکٹرک پلانٹس خصوصی طور کشن گنگا اتے ریتلے پن بجلی منصوبیاں اتے مغربی دریاواں تے آبی ذخائر دی تعمیر بارے پاکستان اتے بھارت وچال پیدا تھیونڑ آلے منصوبیاںبارے گالھ مہاڑ کیتی۔عالمی بینک دی سی ای او دے پہلے دورہ پاکستان دا خیر مقد م کریندیں ہوئیں وزیراعظم انہاں کو تقرری تے مبارکباد ڈتی۔
