اسلام آباد (پاکستان نیوز پوائنٹ 26جنوری2016ء) وزیر اعظم دے مشیر قومی تاریخ تے ادبی ورثہ عرفان صدیقی آکھیا ہے جوفلمی صنعت دے ودھارے سانگے جامع حکمت عملی تیار کیتی ویندی پئی ہے۔ نجی ٹی وی چینل نال گالھ مہاڑ کریندے ہوئیں انہاں آکھیا جو غیر ملکی فلماں دی در آمد تے کوئی حکومتی پابندی کائنی ۔تاں جو سنسر بورڈ دے پہلے توں موجو د قواعد تے ضوابط تے عمل در آمد جاری ہے تے تے ایندے نال نال دفاعی ضروریات دے مطابق قواعد تے ضوابط دا جائزہ گھدا ونجنڑاں معمول دی گالھ ہے ۔
انہاں آکھیا جو فلمی صنعت دی ترقی تے سینما مالکان ،پروڈیوسر تے فلم ڈسٹری بیوٹر ز حضرات دی مشکلات جاڑنڑ سانگے میٹنگز دا سلسلہ جاری ہے تے حکومت انہاں ولوں آونڑ آلیاں تجویزاں دا جائزہ گھندی پئی ہے ۔عرفان صدیقی آکھیا ہے جو حکومت فلم ڈسٹری بیوٹر ز کوں این این او سی دے حصول سانگے درپیش مشکلات کوں حل کرنڑ سانگے اقدامات کریندی پئی ہے ۔وزیراعظم دے مشیر آکھیا جو سینما مالکان ،پروڈیو سر اتے فلم ڈسٹری بیوٹر ز توں میٹنگز دا سلسلہ آندے سال وی جاری رہسی تے انہاں دے مسلے ترجیحی بنیاداں تے حل کیتے ویسن ۔
