سکیورٹی فورسز دے کامیاب اپریشن پاروں پورے صوبے اچ امن و امان دی صورتحال چنگی تھی ، قائم مقام گورنر سندھ دی نیول کالج دے وفدنال گالھ مہاڑ

اسلام آباد (پاکستان نیوز پوائنٹ 24جنوری2016ء) قائم مقام گورنر سندھ آغا سراج درانی آکھیا جو چھیکڑی دہشت گرد دے خاتمے تئیں اپریشن جاری رہسی ۔ ریڈیو پاکستان دے مطابق لاہور توں کراچی آونڑ آلے نیول کالج دے وفد نال ملاقات دے دوران انھاں آکھیا جو سکیورٹی فورسز دے کامیاب اپریشن پاروں پورے صوبے اچ امن و امان دی صورتحال چنگی تھی ہے ۔ آغا سراج آکھیا جو چھیکڑی دہشت گرد دے خاتمے تئیں اپریشن جاری رہسی۔ انھاں آکھیا جو حکومت ولوں صوبے اچ ترقیاتی کم جاری ہن تے کراچی دے عوام سانگے پانڑیں دے منصوبے کے ۔فور تے کم جاری ہے جیں نال کراچی دے عوام سانگے پیونڑ دے صاف پانڑیں دا مسئلہ حل تھی ویسی