جنوبی وزیرستان اچ اپریشن ضرب عضب توں متاثر 506 مکاناں دا معاوضہ 14 کروڑ 62 لکھ روپے ونڈ ڈتا گیا

اسلام آباد (پاکستان نیوز پوائنٹ 24جنوری2016ء) اپریشن ضرب عضب اچ متاثر تھیونڑ آلے جنوبی وزیرستان دے 506 مکانات دا معاوضہ 14 کروڑ 62 لکھ 40ہزار روپے ونڈ ڈتا گیا ہے ۔ فاٹا دے تعمیر نو بحالی پروگرام منیجر حماد خان اے پی پی کوں ڈسایا جو اپریشن ضرب عضب اچ متاثر تھیونڑ آلے بے گھر لوکاں دے مکاناں دے معاوضہ جات دا سلسلہ جاری ہے جنوبی وزیرستان اچ 272 مکانات پورے طور تے تباہ جڈاں جو 234 مکانات کوں جزوی طور تے متاثر تھے ہن تے 506 مکانات دا معاوضہ بے گھرلوکاں اچ 14کروڑ 62 لکھ 40 ہزار روپے ونڈ ڈتا گیا ہے انہاں آکھیا جو بے گھر لوکاں کوں مکاناں دے معاوضہ جات دی ونڈ دا سلسلہ جاری ہے ۔