وفاقی حکومت دے خصوصی ترقیاتی منصوبیں سانگے مجموعی طور تے79 ارب روپے دے فنڈز جاری

اسلام آباد (پاکستان نیوز پوائنٹ 23وری2016ء) وزارت منصوبہ بندی تے ترقیات سرکاری شعبے دے ترقیاتی پروگرام اچ وفاقی حکومت دے خصوصی ترقیاتی منصوبیں سانگے ہنڑ تئیں مجموعی طور تے 79 ارب روپے دے فنڈز جاری کرڈتے ہن۔ حکومت سرکاری شعبے دے ترقیاتی منصوبیں اچ وفاقی حکومت دے خصوصی پروگراماں سانگے ہک کھرب 99 ارب 66 کروڑ روپے توں ودھ دے فنڈز رکھیے ہن ۔ پلاننگ کمیشن دے جاری اعداد و شمار دے مطابق حکومت پائیدار ترقیاتی اہداف دے حصول سانگے 20 ارب روپے، عارضی طور تے بے گھر تھیونڑ آلے لوکاں دی بحالی سانگے 48 ارب 26 کروڑ روپے، پرائم منسٹر یوتھ اتے ہنرمند پروگرام سانگے 7 ارب 94 کروڑ روپے اتے ایرا سانگے 4 ارب 35 کروڑ روپے دے فنڈز جاری کر ڈتے ہن ۔