اسلام آباد (پاکستان نیوز پوائنٹ 23وری2016ء) پاکستان دے کمرشل بینکاں اچ جمع رقم دا حجم 11.2 کھرب روپے تئیں پج گیا ۔ 30 دسمبر 2016تئیں جمع تھیونڑ آلیاں رقماں دے مقابلے اچ 20.4 فیصد ودھ ہن ۔ خلیج ٹائمز دی ہک رپورٹ دے مطابق بیکنگ تے سرمایہ دے شعبے دا تجزیہ کار عمیر نصیر ڈسایا جو گزریل ترائے سالاں دے دوران اے ودھارا وسطاً 12 فیصد دی شرح نمو توں وی ودھ ہے ۔
انہاں آکھیا جو کمرشل بنکاں دے مضبوط ڈیپازٹس بہوں اہم ہن ۔ ایں طرح 2016اچ بنکاں 5.6 کھرب روپے نجی شعبے کوں جاری کیتے جیرھے جو2015ء دے مقابلے اچ 17 فیصد ودھ ہن ۔ پچھلے سال صرف 4.8 کھرب روپے ڈتے گے ہن۔ اے بنکنگ دے شعبے سانگے وڈی کامیابی ہے ۔ رپورٹ دے مطابق اسٹیٹ بینک آف پاکستان دی آسان زری پالیسی دے نتیجے اچ شرح سود 5.75 فیصد دی شرح تئیں آئی جیرھی جو 42 سال اچ گھٹ ترین شرح ہے ۔ بینکاں وی شرح منافع اچ گھٹکی کیتی جیں پاروں انہاں دے ڈپازٹس اچ ودھارا تھیا ہے
