اسلام آباد (پاکستان نیوز پوائنٹ 23وری2016ء) پاکستان مسلم لیگ (ن) دے سینیٹرلیفٹیننٹ جنرل (ر) عبدالقیوم خان آکھیا ہے جو پاکستان اتے افغانستان کوں دہشتگرداںدی نقل وحرکت کو ں روکنڑ سانگے سرحدی انتظام دے نظام کوں چنگاں بنڑاونڑ دی ضرورت ہے ۔ریڈیو پاکستان نال گالھ مہاڑ کریندے ہوئیں انھاں آکھیا جو پارا چنار اچ دہشت گرد حملے دے حوالے نال گالھ مہاڑ کریندے ہوئیں آکھیا جو پارا چنار پاک افغان سرحد تے واقع اہم علاقہ ہے اتے افغانستا ن توں بہوں سانگے دہشت ایں علاقے اچ داخل تھیندے ہوئیں کاروائیاں کرتے واپس چلیے ویندے ہن ۔
لیفٹیننٹ جنرل (ر) آکھیا جو دہشتگرداں دی نقل وحرکت کوں روکنڑ سانگے پاک سیکورٹی فورسز دیاں 8سو چوکیاں جڈاں جو افغانستان دی صرف 62چیک پوسٹاں سرحدی علاقے اچ کم کریندیاں پیاں ہن ۔انہاں آکھیا جو پاک فورسز دہشت گرداں دیاں بہوں ساریاں کاروائیاں ناکام بنڑا ڈیندی ہے ۔ایندے باوجود کوئی ہک ادھ واقع تھی ویندا ہے ۔سینیٹر عبدالقیوم آکھیا جو افغان حکومت کئی علاقیں اچ رٹ قائم کائنی تاں جو افغانستان تے پاکستان ڈوہیں ملکاں کوں چاہیدا ہے جو دہشت گرداں دی سرحد پار نقل و حرکت روکنڑ سانگے سرحدی انتظام کوں چنگاں بنڑاونڑ سانگے ہک ڈوجھے دے نال تعاون کرن ۔
انھاں آکھیا جو چیف آف آرمی سٹاف دا پارا چنار دا دورہ ، دھماکے دے زخمیاں دی عیادت دہشتگرداں دے خاتمے دے عزم دا اظہار خوش آئند ہے۔
