ہلدی کینسر تے زہرخورانی دا بہترین علاج ہے، برطانوی ماہرین

ہلدی کینسر تے زہرخورانی دا بہترین علاج ہے، برطانوی ماہرین

اسلام آباد (پاکستان نیوز پوائنٹ 20نوری2016ء) برطانوی ماہرین داآکھنڑ ہے جو ہلدی کینسر اتے زہرخورانی دا بہترین علاج ہے ۔یونیورسٹی کالج لندن اچ ہک تے دلچسپ تجربہ کیتا گیا جو کیا ہلدی اساڈے جین کوں تبدیل کرسگدی ہے یا کائناں،ایں ٹیسٹ اچ 40 توں 50 سال تئیں دے 100 رضاکار اں کوں 3 گروپاں اچ ونڈیا گیا ۔ ہک گروپ کوں ہلدی دے کیپسول ڈتے گے جیں اچ 3.2 ملی گرام ہلدی، ہک گروہ کوں فرضی کیپسول اتے تریجھے کوں ہک چمچہ ہلدی ڈتی گی تے او وی روزانہ 6 ہفتے تئیں کھوائی گی ۔

ایندے بعد انہاں دے خون دے ٹیسٹ گھدے گے تاں ماہرین اے جانڑں تے حیران رہ گے جو سارے لوکاں اچ امنیاتی خلیات پہلے دے مقابلے اچ تھوڑے گھٹ ہن لیکن ایں دی ودھ ساری حیرت تھی جو دمے ،ڈپریشن ،الرجی تے کینسر اتے بئے مرضان دی وجہ توں بنڑ ونجنڑ آلے جین اچ تبدیلیاں ڈٹھیاں گیاں ۔ایندے توں ظاہر تھیا جو ہلدی بیماریاں دی وجہ توں بنڑ ونجنڑ آلے جین کوں تبدیل کر سگدی ہے ۔ایں طرح ہنڑ ہلدی اچ پہلی واری جین تبدیل کرنڑ آلے خواص دریافت تھے ہن ۔