اسلام آباد (پاکستان نیوز پوائنٹ 19نوری2016ء) وزارت منصوبہ بندی تے ترقیات سرکاری شعبے دے ترقیاتی پروگراماں سانگے مجموعی طور تے ہنڑ تئیں 3 کھرب 21 کروڑ 89 لکھ روپے توں ودھ دے فنڈز جاری کر ڈتے ہن ۔ حکومت سرکاری شعبے دے ترقیاتی پروگراماں سانگے 8 کھرب روپے دے فنڈزرکھیے ہن ۔ پلاننگ کمیشن دے جاری اعداد و شمار دے مطابق حکومت پائیدار ترقیاتی اہداف سانگے 20 ارب، نیشنل ہائی وے اتھارٹی سانگے 80 ارب، واپڈا پاور سیکٹر سانگے 47 ارب، اے جے کے بلاک سانگے 7 ارب، ایرا سانگے 4 ارب اتے عارضی طور تے بے گھرتھیونڑ آلے لوکاں دی بحالی سانگے 48 ارب، پرائم منسٹر یوتھ اتے ہنرمند پروگرام سانگے 7 ارب، پانڑیں تے بجلی ڈویژن سانگے 6 ارب 89 کروڑ، ریلویز ڈویژن سانگے 13 ارب 99 کروڑ، پاکستان اٹامک انرجی کمیشن سانگے 12 ارب 66 کروڑ، ملک اچ صحت دیاں سہولتاں چنگیاں بنڑاونڑ سانگے 7 ارب 58 کروڑ، داخلہ ڈویژن سانگے 4 ارب 67 کروڑ، ہائر ایجوکیشن کمیشن سانگے 8 ارب 54 کروڑ، ہاﺅسنگ اینڈ ورکس ڈویژن سانگے 2 ارب 59 کروڑ، فنانس ڈویژن سانگے 2 ارب 34 کروڑ روپے، ڈیفنس پروڈکشن ڈویژن سانگے 46 کروڑ روپے، کیڈ ڈویژن سانگے ہک ارب 86 کروڑ روپے سمیت مختلف ترقیاتی منصوبیں سانگے فنڈز جاری کر ڈتے ہن ۔
پلاننگ کمیشن ہک خاص طریقہ کار دے تحت سرکاری شعبے دے ترقیاتی پروگراماں سانگے فنڈز جاری کریندا پے ۔
