فیڈرل بورڈ آف ریونیو (ایف بی آر) آندے مالی سال 2017-18اتے ادھ مدتی بجٹ 2017-2020سانگے بجٹ تخمینے دی تفصیلات منگ گھدیاں

فیڈرل بورڈ آف ریونیو (ایف بی آر) آندے مالی سال 2017-18اتے ادھ مدتی بجٹ 2017-2020سانگے بجٹ تخمینے دی تفصیلات منگ گھدیاں

اسلام آباد (پاکستان نیوز پوائنٹ 19نوری2016ء) فیڈرل بورڈ آف ریونیو (ایف بی آر) سارے فیلڈ آفسز توں آندے مالی سال 2017-18اتے ادھ مدتی بجٹ 2017-2020سانگے بجٹ تخمیناں دی تفصیلات منگ گھدی۔ لارج ٹیکس پیئر یونٹس دے چیف کمشنرز، چیف کلیکٹرز، کسٹمز کلیکٹرز اتے ڈائریکٹر جنرلزو ڈائریکٹرز کوں ہدایت کیتی گی ہے جو اجوکے مالی سال سانگے وی نظر ثانی شدہ تخمینہ جات جمع کرائے ونجن ۔

ایف بی آر ذرائع دے مطابق بجٹ تخمینہ جات 30 جنوری تئیں جمع کراونڑ دی ہدایت کیتی گی ہے تاں جوا نہاں کوں چانچ پڑتال دے بعد فنانس کوں پیش کیتا ونج سگے ۔ ایں سلسلے اچ جاری اخراجات، ترقیاتی اخراجات اتے وصولیاں متعلق تخمینہ جات طلب کیتے گے ہن ۔ ایندے علاوہ ایف بی آر آندے مالی سال سانگے سیلز ٹیکس اتے فیڈرل ایکسائز متعلق ریونیو بارے تجاویز پہلے ہی طلب کر چکیا ہے، ایں سلسلے اچ سارے شراکت داراں بشمول چیمبرز آف کامرس اینڈ انڈسٹری کوں وی آکھیا گیا ہے جو 31 جنوری تئیں اپنڑیاں تجویزاں بھیج ڈیون ۔