اسلام آباد (پاکستان نیوز پوائنٹ 19نوری2016ء) سرگودھا اچ آسمانی بجلی دھنڑ نال ہک بال جاں بحق تے اتلے علاقیں اچ ودھ ساری برف پاروں نظام زندگی درہم برہم تھی گیا۔ نجی ٹی وی دے مطابق آزادکشمیردے نیڑے علاقیں اچ برف پاروں سردی دی شدت اچ ودھارے دے نال نال بہوں علاقیں اچ نظام زندگی درہم برہم تھی تے رہ گیا ۔اتلی وادی نیلم دا بئے علاقیں توں زمینی رابطہ منقطع تھی گیا جڈاں جو شاردہ تے کیل دی جاہ تے سڑکاں بند تھی تے رہ گیاں ۔
برف پاروں وادی لیپہ، مظفرآباد باغ روڈ اتے حویلی روڈ ہر قسم دی ٹریفک سانگے بند کر ڈتی گی ہے ۔ ڈوجھے پاسے پنجاب اچ موسم بیا ٹھڈا تھی گیا ہے تے سرگودھا اچ آسمانی بجلی دھنڑ نال ہک بال جان دی بازی ہر گیا ۔مینھ پاروں مواصلات اتے بجلی دا نظا م ودھ متاثرتھیا ،کجھ جہیں تے پانڑیں دا بحران تے سڑکاں بند تھیونڑ دیاں اطلاعات ملیاں ہن ۔رپورٹ دے مطابق بلوچستان دء مختلف علاقیں اچ برف باری نال سردی دی شدت اچ ودھارا تھی گیا ہے ، حکام ولوں بولان اچ ریلوے ٹریک اتے قومی شاہراہ کوں کجھ ڈینھ دے بعد آمدورفت سانگے کھول ڈتا گیا ہے۔
شمالی بلوچستان اچ برفباری رکنڑ دے باوجود بیشتر علاقیں اچ نظام زندگی متاثر ہے، اتلے علاقیں اچ پنجویں ڈینھ دی رابطہ سڑکاں تے ٹرانسپورٹ دا سلسلہ بحالی نی تھی سگیا ۔ہرنائی کوئٹہ شاہراہ تے چپر لپٹ دی جاہ تے کئی سو گاڈیاں پھسیاں ہویاں ہن جڈاں ۔بولان اچ اجوکی برف پاروں تے مینھ نال قومی شاہراہ این 65 اتے ریلوے ٹریک تے ایف سی ریسکیو اپریشن کر تے مسافراں کوں محفوظ جاہ تے منتقل کریندے ہوئیں سارے رستے بحال کر ڈتے گے ہن ۔
